28 დეკემბერს თეატრისა და კინოს სახელმწიფო უნივერსიტეტში ორი ღონისძიება გაიმართება - 19:00 საათზე, თეატრისა და კინოს სახელმწიფო უნივერსიტეტის კინო-ტელე ფაკულტეტის საიუბილეო ღონისძიება გაიმართება. ფაკულტეტი 40 წლის წინ დაარსდა და ამ თარიღთან დაკავშირებით, მცირე პრეზენტაცია და მიღება გაიმართება უნივერსიტეტის მე-2 კორპუსის ცენტრალურ ფოიეში. ღონისძიებაზე ნაჩვენები იქნება კინო-ტელე ფაკულტეტის მიერ საერთაშორისო ფესტივალებზე გამარჯვებული ფილმების კოლაჟი და წარმოდგენილი იქნება მისი არსებობის მანძილზე მიღებული ჯილდოები / სიგელები, ასევე ძველი კინო ტექნიკა, რომელიც უნივერსიტეტის კინოს მუზეუმში ინახება. ღონისძიებას დაესწრებიან სხვა და სხვა თაობის კინოხელოვანები.
დასაწყისი : 28 დეკემბერი, 13:00 სთ
მის. აღმაშენებლის 40
იმავე დღე, 13:00 საათზე, ბუდაპეშტის თეატრისა და კინოს უნივერსიტეტი, საქართველოს თეატრისა და კინოს უნივერსიტეტთან ერთად წარმოგიდგენთ სამაგისტრო პროგრამის DocNomads პრეზენტაციას. DocNomads - ეს არის ერაზმუსის 120 კრედიტიანი დოკუმენტური კინოს სამაგისტრო პროგრამა, რომელიც საშუალებას აძლევს ქართველ სტუდენტ კინემატოგრაფისტებს ისწავლონ ამ პროგრამაზე ლისაბონი-ბუდაპეშტი - ბრუსელის კინოსკოლებში. სამაგისტრო პროგრამას წარადგენს პროფესორი ტამაშ ალმასი.
ღონისძიებები უნივერსიტეტის მე-2 ადმინისტრაციულ კორპუსში გაიმართება, მის: აღმაშენებლის გამზ. 40 (ახალი ტფილისის ტერიტორია)
