,,ნაციონალური მოძრაობის“ წევრმა, დეპუტატმა ელენე ხოშტარიამ პარტიაში მიმდინარე მოვლენებზე ტელეკომპანია პირველის ეთერში ისაუბრა. მისი თქმით, თანაპარტიელების მხრიდან ყველაზე მიუღებელი გარიგებებში დადანაშაულებაა.
,, პრობლემა წარმოიქმნება მაშინ, როდესაც სხვა აზრის გამო, პარტია, პარტიის ლიდერი გაბრალებს ტყუილს, გესხმის თავს, გაყენებს შეურაცხყოფას და ამბობს, რომ გაგრიცხავს პარტიიდან ან გეუბნება, რომ ყოფილი თანაგუნდელი ხარ ან გარიგებაში გადანაშაულებს და ა.შ. როდესაც ამომრჩევლები ბრაზდებიან შენზე, პრობლემა არ არის. პირველი ტალღა ამომრჩევლების გაბრაზება იყო - რატომ შეხვედით პარლამენტში, ან რატომ გინდათ ახალი თავმჯდომარის არჩევა. ეს ნორმალურია, ჩვენ გვაქვს ვალდებულება რომ მათ მოვუსმინოთ, მოვუთმინოთ და ავუხსნათ. ამ კამათის რაღაც მომენტში დაიწყო ჩვენი თანაგუნდელების მხრიდან, ვგულოსხმობ ჩიორა თაქთაქიშვილს თუ ნუგზარ წიკლაურს და მიხეილ სააკაშვილს, დაიწყო პირდაპირი ბრალდებები. გარიგებაში ბრალდებაც კი, რაც მიხეილ სააკაშვილმა გააკეთა. გამოდის, რომ დემოკრატიულ პროცესს კი არ ვავითარებთ, არამედ თუ შენ მე არ მეთანხმები, თუ მიშა როგორც იტყვის, ისე არ იზამ, მაშინ შენ ხარ ნული ან ამ პარტიაში საერთოდ არ უნდა იყო. აი ეს არის პრობლემა», - განაცხადა ელენე ხოშტარიამ.
