პარლამენტის გადმოტანის საკითხი საკონსტიტუციო კომისიის განსახილველი თემა უნდა იყოს, რადგან არებობს სხვადასხვა მოსაზრება, რომელიც ეხება ფინანსურ ნაწილს, პოლიტიკურ შემადგენელს და გამართული მუშაობის აუცილებლობას, - განაცხადა საპარლამენტო უმრავლესობის წევრმა გია ვოლსკიმ.
”არც ქუთაისელი და არც თბილისელი იქნება იმის წინააღმდეგი, რომ გამართულად იმუშაოს პარლამენტმა. მაგრამ მე თვითონ პირადად ვერ ვხედავ პარლამენტის ქუთაისიდან თბილისში გადმოტანის აუცილებობას და საჭიროებას”, - განაცხადა გია ვოლსკიმ და დასძინა, რომ წინა პლანზე ეს საკითხი არ დგას.
პარლამენტის თავმჯდომარე ირაკლი კობახიძემ მედიასთან განაცხადა, რომ პარლამენტის თბილისში გადმოტანის საკითხზე მსჯელობა მას შემდეგ დაიწყება, რაც საკონსტიტუციო კომისია შეიკრიბება.
