სირიის ხელისუფლებამ აღიარა, რომ “ისლამური სახელმწიფოს" მებრძოლებმა ისტორიული ქალაქი პალმირა ისევ დაიკავეს. ასადის არმია პირობას დებს, რომ ქალაქს უახლოეს ხანებში გაათავისუფლებენ. პალმირაზე შტურმი “ისლამური სახელმწიფოს” 4 ათასამდე მებრძოლმა მიიტანა. 3-დღიანი შეტაკებების შემდეგ სახელისუფლო ძალებმა ქალაქი დათმეს. “ისლამურ სახელმწიფოს” პალმირა 10 თვის განმავლობაში ჰქონდა დაკავებული. მათ ქალაქში ისტორიული ძეგლები გაანადგურეს. სირიის სამთავრობო ძალებმა რუსეთის ავიაციის დახმარებით პალმირა მარტში გაათავისუფლეს.
