ხარჯების შემცირების მიზნით ადამიანების სამსახურიდან გაშვება არის ერთ-ერთი ბოლო მიმართულება, - განაცხადა საქართველოს ვიცე-პრემიერმა, ენერგეტიკის მინისტრმა კახი კალაძემ სამთავრობო ხარჯების შემცირებაზე საუბრისას.
მისი თქმით, ხარჯების შემცირება დაანონსებულია და თუ რა მიმართულებით შემცირდება დანახარჯი ამას უკვე თავად კონკრეტული უწყება და მისი ხელმძღვანელი გადაწყვეტენ.
„დავაანონსეთ ხარჯების შემცირება ყველა მიმართულებით და კონკრეტული უწყება და უწყების ხელმძღვანელი თვითონ გადაწყვეტს რა მიმართულებით იქნეს ეს ხარჯები დაზოგილი,“-აცხადებს კალაძე.
რაც შეეხება კადრების შემცირების საკითხს, ვიცე-პრემიერი ამბობს, რომ ხარჯების შემცირების მიზნით ადამიანების სამსახურიდან გაშვება არის ერთ-ერთი ბოლო მიმართულება.
მე ვფიქრობ, რომ ადამიანების გაშვება არის ყველაზე ბოლო მიმართულება. სხვა მიმართულებებითაც შესაძლებელია ხარჯების შემცირება და დარწმუნებული ვარ ეს ასეც მოხდება,“-განაცხადა კახა კალაძემ.
