წლის ადამიანად გამოცხადება დონალდ ტრამპისთვის დიდი პატივია. ამის შესახებ ამერიკის არჩეულმა პრეზიდენტმა ტელეკომპანია NBC-ის განუცხადა. ტრამპმა კომენტარი თაიმის მიერ გამოქვეყნებულ ჩანართზეც გააკეთა, სადაც ნათქვამია, რომ ამერიკის ახალი პრეზიდენტი შეერთებული შტატების ერთიანობას უქმნის საფრთხეს. „როდესაც საუბარია ერთიანობის დარღვევაზე, მინდა გითხრათ, რომ ის უკვე დარღვეულია. ჩვენ კი პირიქით, შტატების გაერთიანება გვსურს,“-აღნიშნა ტრამპმა. ამერიკის არჩეული პრეზიდენტი თაიმმა წლის ადამიანად აღიარა, თუმცა ჟურნალის გარეკანზე გაკეთებულ მინაწერში ნათქვამია, რომ უცნობია, თუ რისთვის აღიარებს მკითხველი ტრამპს წლის პერსონად.
