იტალიის პრემიერ-მინისტრი დღეს პოსტიდან გადადგება. ამის შესახებ მატეო რენციმ სოციალურ ქსელ ტვიტერში დაწერა.
„მადლობა ყველას და გაუმარჯოს იტალიას!“-წერს საკუთარ გვერდზე მთავრობის მეთაური.
რენცი გადადგომის შესახებ ოფიციალურ განცხადებას ადგილობრივი დროით 19 საათზე გააკეთებს, მას შემდეგ, რაც იტალიის პარლამენტი მომავალი წლის ბიუჯეტს დაამტკიცებს. გადადგომის გადაწყვეტილება პრემიერმა რეფერენდუმის შედეგების გამოცხადებისთანავე მიიღო, რომლის მიხედვითაც ელექტორატმა საკონსტიტუციო ცვლილებებს მხარი არ დაუჭირა.
