საპარლამენტო უმრავლესობის ლიდერი არჩილ თალაკვაძე აშშ-ის საერთაშორისო განვითარების სააგენტოს ხელმძღვანელის მოადგილის, თომას მელიას განცხადებას ეხმაურება და აცხადებს, რომ „რუსთავი 2“-ის საქმის გავლენას მედიის თავისუფლების ხარისხზე, მომავალი გვიჩვენებს.
„ქართული ოცნების“ ხელისუფლების პირობებში მოხდა ორი რამ: მედიის თავისუფღლების ხარისხი ქვეყანაში ბოლო წლებში გაიზარდა და ასევე, გაიზარდა მთავრობის ანგარიშვალდებულება მედიის და სამოქალაქო საზოგადოების მიმართ. ამიტომ ჩვენ გავაკეთებთ ყველაფერს, რომ ამ მიმართულებით საქართველოში სტანდარტი დარჩენს მაღალი. მოახდენს თუ არა ეს საქმე რაიმე გავლენას მედიის თაუვისუფლების ხარისხზე, ამას დავინახავთ მომავალში. ჩვენ, როგორც პარლამენტის წევრები, გავაკეთებთ ყველაფერს იმისთვის, რომ ჟურნალისტები მუშაობდეთ თავისუფალ გარემოში“, - განაცხადა არჩილ თალაკვაძემ.
თომას მელიას განცხადებით, აშშ-ის ადმინისტრაცია მტკიცედ უჭერს მხარს მედიის დამოუკიდებლობას საქართველოში. ამასთან, პლურალიზმი ის უმთავრესი ელემენტია, რომელზეც გავლენას ახდენს „რუსთავი 2“-თან დაკავშირებით მიმდინარე დავა.
