პარლამენტის ვიცე-სპიკერი, „ქართული ოცნების“ წევრი თამარ ჩუგოშვილი აცხადებს, რომ მომავალი წლის ბიუჯეტი ფოკუსირებულია მოსახლეობის იმ ნეგატიური ზეგავლენისგან დასაცავად, რომელიც რეგიონში მიმდინარე ცვლილებებმა შესაძლოა გამოიწვიოს.
„ჩვენი 2-3%-იანი ეკონომიკური ზრდა ძალიან ცუდი მაჩვენებელია და უნდა შევძლოთ ბევრად უფრო მაღალ ეკონომიკურ ზრდაზე გასვლა და ამ ბიუჯეტის პროექტში ასახულია ის რეფორმები, რაც სწორედ ამას ემსახურება. 10%-ით მცირდება ბიუროკრატიული ხარჯები, ხელფასები და პრემიები და ა.შ. და ეს ყველაფერი სწორედ მიმართულია იმისკენ, რომ რეგიონში არსებული ძვრები მოსახლეობამ ნაკლებად იგრძნოს“, - განაცხადა თამარ ჩუგოშვილმა.
2017 წლის ბიუჯეტის პროექტი დღეს პარლამენტის ბიუროზე შევა.
