იტალიაში გამართულ რეფერენდუმზე მოსახლეობამ რეფორმებს მხარი არ დაუჭრა. პირველადი შედეგების გამოცხადებისთანავე პრემიერ-მინისტრმა თანამდებობა დატოვა. მატეო რენციმ საკონსტიტუციო რეფორმის მოწინააღმდეგე ოპონენტებსაც მიმართა და აღნიშნა, რომ დროა საკუთარი სამოქმედო წარმოადგინონ. მხარდამაჭერებთან სიტყვით გამოსვლისას რენციმ განაცხადა, რომ საკონსტიტუციო რეფორმა იტალიაში დემოკრატიას გააძლიერებდა. პრემიერმა ისიც აღნიშნა, რომ მისმა გუნდმა მოსახლეობის დარწმუნება ვერ შეძლო. საყოველთაო რეფერენდუმზე მოსახლეობას პრემიერ-მინისტრის უფლებების გაზრდისა და სენატის წევრების რაოდენობის შემცირების საკითხი უნდა გადაეწყვიტა. კანონპროექტის ინიციატორი იტალიის პრემიერ-მინისტრი იყო.
