თურქეთს ევროპა ისევე სჭირდება, როგორც ევროპას თურქეთი. ამის შესახებ ევროკომისიის თავმჯდომარემ ჟან-კლოდ იუნკერმა ესპანეთში ვიზიტისას განაცხადა. „ერდოღანმა უნდა შეწყვიტოს ევროკავშირის მიმართ ბრალდებების წაყენება. თუ თურქეთი არ შეასრულებს ევროკავშირის 72 კრიტერიუმს, რაც სავიზო რეჟიმის გაუქმებისთვისაა საჭირო, ეს თურქეთის ბრალი იქნება და არა ჩვენი“, - აღნიშნა იუნკერმა.
