ძლიერმა შტორმმა სოჭში ოლიმპიური ქალაქი გაანადგურა. შტორმსა და გრიგალს თან ერთვოდა სეტყვა. გუშინ სოჭში მთელი დღე-ღამის განმავლობაში საგანგებო მდგომარეობა იყო გამოცხადებული. ქალაქში მნიშვნელოვნად დაზიანდა საცხოვრებელი კორპუსები, დაზიანებულია ავტომობილები, რომელთაც წაქცეული ხეები და კორპუსებიდან გადმოყრილი მასალები დაეცა. მსხვერპლის შესახებ ამ დროისთვის ინფორმაცია არ ვრცელდება. ტალღებმა განსაკუთრებით ოლიმპიური ქალაქის ტერიტორია დააზარალა.
ქალაქში ამ დრომდე ძალაშია საგანგებო მდგომარეობა.
