მოსკოვთან თანამშრომლობა შესაძლებელია მხოლოდ იმ სფეროებში, სადაც შეერთებულ შტატებსა და რუსეთს საერთო ინტერესები აქვთ. ამის შესახებ ამერიკის თავდაცვის მდივანმა კალიფორნიაში გამართულ უსაფრთხოების ფორუმზე განაცხადა. ეშტონ კარტერმა რუსეთი სირიისა და უკრაინის გამო კიდევ ერთხელ გააკრიტიკა და ღიად განაცხადა, რომ შეერთბული შტატები საკუთარ მოკავშირეებს რუსული აგრესიისგან დაიცავს. პენტაგონის ხელმძღვანელის რანგში ეს კარტერის ერთ-ერთი ბოლო გამოსვლა იყო. დონალდ ტრამპის ინაუგურაციის შემდეგ მას გადამდგარი ჯენერალი ჯეიმს მატისი ჩაანაცვლებს.
