ერაყის ხელისუფლება იმედოვნებს, რომ მოსულზე კონტროლს წლის ბოლომდე დაიბრუნებს. ამის შესახებ ქვეყნის პრემიერ-მინისტრმა ჰაიდერ ალ-აბადიმ განაცხადა. მისივე თქმით, ერაყის სახელისუფლო ძალებს მოსული მთლიანად ალყაში ჰყავს მოქცეული, ოპერაცია კი დაგეგმილზე სწრაფად მიმდინარეობს. ერაყის სიდიდით მეორე ქალაქის გათავისუფლების ოპერაცია 17 ოქტომბერს დაიწყო. მასში საერთაშორისო კოალიციის ავიაცია და ქურთული დაჯგუფებებიც არიან ჩართულნი.
