სირიის სახელისუფლო ძალებმა ალეპოს კიდევ რამდენიმე რაიონი დაიკავეს. მათკონტროლს ჯაბალ ბადროსა და მასაკინ ჰანანოს რაიონები დაექვემდებარა. ასადის არმია მასირებულ შტურმს ამჟამად საკჰურის, ჰაიდარიას და ბისტან ალ ბაშას რაიონებზე ახორციელებს. პარალელურად ამბოხებულთა პოზიციებს რუსული ავიაცია ბომბავს. ბრიტანეთში ბაზირებული სირიის ადამიანის უფლებათა ცენტრის ინფორმაციით, შეტაკებებს ბოლო 3 დღის განმავლობაში 219 მშვიდობიანი მცხოვრები ემსხვერპლა. დაღუპულთაგან 27 ბავშვია.
