რუსეთის მიერ კურილიის კუნძულებზე „ბასტიონისა“ და „ბალის“ ტიპის სარაკეტო კომპლექსების განთავსება ტოკიოსა და მოსკოვს შორის დაწყებულ მოლაპარაკების პროცესს არ შეაფერხებს. ამის შესახებ იაპონიის მინისტრთა კაბინეტის პრეს-მდივანმა განაცხადა. ესიხიდე სუგას თქმით, ხელისუფლება კურილიის კუნძულებზე რუსული სამხედრო პოტენციალის გაძლიერებას ყურადღებით ადევნებს თვალს, თუმცა რუსეთთან დიალოგის გაგრძელების მომხრეა. დავა კურილიის კუნძულებზე იაპონიასა და რუსეთს შორის რამდენიმე ათეული წელია, გრძელდება.
