ევროკავშირის ინსტიტუტები მუშაობენ ანგარიშზე, თუ როგორ ხორციელდება ასოცირების შეთანხმება ბოლო ერთი წლის განმავლობაში, განაცხადა საქართველოში ევროკავშირის წარმომადგენელმა, იანოშ ჰერმანმა.
„ამ ანგარიშს ძალიან მალე გამოვაქვეყნებთ. ასევ, ვმუშაობთ ასოცირების დღის წესრიგზე, სადაც გაერთიანდება ამ პროცესთან დაკავშირებული ყველა სამომავლო მიზანი“,-აღნიშნა იანოშ ჰერმანმა, რომელიც მონაწილეობდა კონფერენციაში - „საქართველო-ევროკავშირის ასოცირების ამოცანები“
„ეს კონფერენცია მიმდინარეობს ამ პროცესში ჩვენი თანამშრომლობის ფონზე. სამოქალაქო საზოგადოების პოზიცია ძალიან მნიშვნელოვანია, ეს ღონისძიება კი გვაძლევს საშუალებას, მათი აზრი მოვისმინოთ. ეს ყველაფერი ასახული იქნება დოკუმენტში, რომელიც მომავალში გამოქვეყნდება. ეს ძალიან დროული ღონისძიებაა, რადგან საქრთველოს ჰყავს ახალი პარლამენტი, მალე ჩამოყალიბდება ახალი მთავრობა და ჩვენთვის მნიშვნელოვანია იმის მოსმენა, თუ რას ამბობს პრემიერ-მინისტრი ასოცირებაზე“,-აღნიშნა იანოშ ჰერმანმა.
