მონტენეგროს პროკურატურამ პრემიერ მილო ჯუკანოვიჩზე თავდასხმის ორგანიზატორები დაასახელა. გამოძიების ინფორმაციით, ისინი რუსეთის მოქალაქეები, ედუარდ შიროკოვი და ვლადიმერ პოპოვი არიან. როგორც ირკვევა, სექტემბრის ბოლოს მათ მონტენეგროს ტერიტორიაზე დანაშაულებრივი დაჯგუფება შექმნეს. დაჯგუფების წევრებს უნდა ქვეყნის ტერიტორიაზე ტერაქტები განეხორციელებინათ და მაღალი თანამდებობის პირებზე თავდასხმები უნდა მოეწყოთ.
