მოსულის გასათავისუფლებლად მიმდინარე ოპერაცია დროებით შეჩერდა. ამის მიზეზი უამინდობა გახდა. ცუდი მხედველობის გამო ავიადარტყმები დროებით შეწყვიტა კოალიციის ავიაციამაც. ერაყის სიდიდით მეორე ქალაქის გასათავისუფლებლად მასშტაბური სამხედრო ოპერაცია 17 ოქტომბერს დაიწყო. მასში ერაყის არმიის შენაერთები, ქურთული დაჯგუფებები და საერთაშორისო კოალიციის ავიაციაა ჩართული. გაერთიანებულმა ძალებმა ისლამისტებისგან მოსულის 10-მდე რაიონი გაწმინდეს.
