მექსიკელმა მკვლევრებმა ჩიჩნე-იცაში კუკულკანას პირამიდის ქვეშ კიდევ ერთი და გაცილებით ძველი ნაგებობა იპოვეს. აღმოჩენაში მათ ელექტრომაგნიტური მეთოდოლოგია დაეხმარა. მაიას ტომების ყველაზე ცნობილი კუკულკანას საფეხურებრივი პირამიდა რამდენიმე ნაწილისგან შედგება. გასული საუკუნის 30-იან წლებში არქეოლოგებმა ძირითადი შენობის ქვემოთ 10 მეტრის სიღრეზე ძველი ნაგებობა იპოვეს, რომელიც მე-10 საუკუნეში უნდა ყოფილიყო აგებული. ახლად აღმოჩენილი შენობა კი გაცილებით ძველია.
