ვენესუელას პრეზიდენტი კრიტიკის ქარ-ცეცხლში მოექცა. ამის მიზეზი რადიო შოუ „სალსის დროში“ მის მიერ შესრულებული ლათინოამერიკული ცეკვა გახდა. ნიკოლას მადურომ სალსა საკუთარ მეუღლესთან ერთად იცეკვა. ოპონენტთა თქმით, იმ დროს, როდესაც ქვეყანა მწვავე სასურსათო კრიზისს განიცდის, პრეზიდენტი თავს ასეთი გართობის უფლებას არ უნდა აძლევდეს. ოპოზიცია მადუროს წინააღმდეგ იმპიჩმენტის დაწყებას უკვე 2 თვეა, ითხოვს.
