რუსეთის საგარეო საქმეთა სამინისტრო ჰააგის სასამართლოს რომის სტატუტიდან გასვლის მიზეზებზე საუბრობს. საგანგებო განცხადება ლავროვის უწყებას საკუთარ ვებ-გვერდზე გამოაქვეყნა.
„სისხლის სამართლის საერთაშორისო სასამართლომ ვერ გაამართლა იმედები და ვერ გახდა დამოუკიდებელი, ავტორიტეტული ორგანო, რაზეც გაეროს გენერალურ ასამბლეასა და უშიშროების საბჭოზეც არაერთგზის ითქვა. ბოლო 14 წლის განმავლობაში მათ მხოლოდ 4 განაჩენი გამოიტანეს, მაშინ, როდესაც მილიარდ დოლარზე მეტი აქვთ დახარჯული. სწორედ ამიტომ მოუწყო სასამართლოს დემარში აფრიკული ქვეყნების კავშირმა და სხვა რამდენიმე ქვეყანამაც. არ შეიძლება არ გვაღელვებდეს საერთაშორისო სასამართლოს მიდგომა 2008 წლის მოვლენებისადმი. სააკაშვილი თავს დაესხა მშვიდობიან ცხინვალს, მოკლეს რუსი სამხედროები, ჰააგის სასამართლო კი ოს ამბოხებულებსა და რუს სამხედროებს ადანაშაულებს. მათ ქართველ მაღალჩინოსანთა მიერ გაცემული დანაშაულებრივი ბრძანებების გამოძიება ქართულ მართლმსაჯულებას დაავალეს. ასეთ პირობებში ყოველგვარ ნდობაზე საუბარი ზედმეტია,“-ნათქვამია ლავროვის უწყების განცხადებაში.
