გერმანიის საგარეო საქმეთა მინისტრმა თურქეთში გამართულ მოლაპარაკებას მძიმე უწოდა. ფრანკ-ვალტერ შტაინმაირი თურქ კოლეგას, მევლუთ ჩავუშოღლუსა და თურქეთის პრეზიდენტს, რეჯეპ თაიპ ერდოღანს შეხვდა. როგორც შტაინმაიერმა განაცხადა, მისი ქვეყანა შეშფოთებულია თურქეთში მასობრივი დაკავებებით, სიტყვის თავისუფლების შეზღუდვისა და მედიაზე ზეწოლის გამო. გერმანიის საგარეო უწყების ხელმძღვანელმა უკმაყოფილება გამოთქვა ერდოღანის ბოლო დროინდელი განცხადების გამოც. რამდენიმე დღის წინ თურქეთის პირველმა პირმა განაცხადა, რომ გერმანია "ქურთისტანის მუშათა პარტიის" მებრძოლების თავშესაფარი გახდა. შტაინმაიერმა ერდოღანის ბრალდება კიდევ ერთხელ უარყო.
