ევროკავშირის კომისია დღეს ახალ ინიციატივას განიხილავს, რომლის თანახმადაც ევროკავშირის მოქალაქეობის არმქონე პირებს შენგენის ზონაში მგზავრობისას 5 ევროს ოდენობის გადასახადი დაუწესდება. გამოცემა „ევროობსერვერის“ ინფორმაციით, არამოქალაქე პირების რაოდენობა 30 მილიონ ადამიანს აღემატება, რომლებიც ევროკავშირის ტერიტორიაზე 60 ქვეყნიდან შედიან და რომლებთანაც ევროკავშირს უვიზო მიმოსვლის რეჟიმი აქვს დაწესებული. მათ შორისაა შეერთებული შტატები, კანადა, ახალი ზელანდია და ავსტრალია. ევროკავშირის წევრი ქვეყნებისა და ევროპარლამენტის მიერ ინიციატივის დამტკიცების შემთხვევაში, ახალი რეგულაცია 2020 წლიდან ამოქმედდება.
