გაეროს სოციალურ და ჰუმანიტარულ საკითხთა კომიტეტმა ყირიმის შესახებ ახალი რეზოლუცია მიიღო. დოკუმენტში რუსეთის მიერ ანექსირებულ ნახევარკუნძულზე ყირიმელი თათრების უფლებების დარღვევაზეა საუბარი. რეზოლუციის ავტორები მოუწოდებენ რუსეთს, ყირიმში საერთაშორისო დამკვირვებლებიც დაუშვან და ყირიმელი თათრების მეჯლისს ექსტრემისტული ორგანიზაციის სტატუსი მოუხსნან. რეზოლუციის მიღებას მხარი 73-მა ქვეყანამ დაუჭირა, 23-მა კი ხმა დოკუმენტის წინააღმდეგ მისცა.
