ათენში შეერთებული შტატების პრეზიდენტის ვიზიტისას დემონსტრანტებსა და პოლიციას შორის შეტაკება მოხდა. სამართალდამცველებმა მათ დასაშლელად ცრემლსადენი გაზი გამოიყენეს. მემარცხენე რადიკალებმა და ანარქისტულმა ორგანიზაციებმა აკრძალვის მიუხედავად, პოლიტექნიკური უნივერსიტეტიდან ამერიკის საელჩომდე მსვლელობა გამართეს. მსვლელობაში 4 ათასამდე ადამიანი მონაწილეობდა. დემონსტრაცია ობამას ვიზიტის საწინააღმდეგო ლოზუნგებით მიმდინარეობდა. ბარაქ ობამა ათენში ორდღიანი ვიზიტით იმყოფება, საიდანაც ის გერმანიაში გაემგზავრება.
