ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში ფედერიკა მოგერინი აცხადებს, რომ
ევროკავშირის გლობალური სტრატეგიის გეგმა კონკრეტულ ქმედებებს ეხება.
,,ახლა არ არის დრო თეორიული და აბსტრაქტული დისკუსიებისთვის. გეგმა კონკრეტულ ქმედებებს ეხება“, - აღნიშნა ფედერიკა მოგერინიმ.
ამასთან, უმაღლესმა წარმომადგენელმა აღნიშნა, რომ საუბარი არ მიდის ევროპული არმიის შექმნაზე.
„ნება მომეცით გითხრათ, თუ რას არ ეხება ეს გეგმა. ეს გეგმა არ ეხება ევროპული ჯარის შექმნას. ხშირად ვამბობ, რომ ნატო-საც კი არ გააჩნია თავისი საკუთარი ჯარი“, - განაცხადა ფედერიკა მოგერინიმ.
გეგმა ორიენტირებულია სამ ძირითად პრიორიტეტზე. კერძოდ იმაზე, რომ ევროკავშირმა შეძლოს უფრო ყოვლისმომცველად, სწრაფად და გაბედულად მოახდინოს რეაგირება კრიზისულ სიტუაციებზე; ასევე ითვალისწინებს ევროკავშირის პარტნიორების უსაფრთხოებისა და თავდაცვის შესაძლებლობების გაუმჯობესებას და ევროკავშირის შესაძლებლობების გაძლიერებას, რათა დაიცვას ევროპელი მოქალაქეები.
