უკრაინის შინაგან საქმეთა მინისტრმა საპროტესტო აქციის მონაწილეებს ძალისმიერი მეთოდების გამოყენების საშუალებას არ მისცემს. შესაბამისი განკარგულება არსენ ავაკოვმა უკვე გასცა.
„მოვუწოდებ თითოეულ თანამშრომელს, მკაცრი ზომები მიიღოს და არ დაუშვას საპროტესტო აქციებზე იარაღის შეტანის მცდელობები. მათ უკვე მივეცი განკარგულება, ყველა ის ქმედება აღკვეთონ, რომელიც მშვიდობიან მოქალაქეებს შეუქმნის საფრთხეს. მათ უნდა იმოქმედონ თავდაჯერებულად და პროფესიონალურად,“-აცხადებს ავაკოვი.
ცნობილი ხდება ისიც, რომ ტერორისტული საფრთხის მოტივით ხვალ დილიდან კრეშატიკის მოედანი გადაიკეტება. მასშტაბური საპროტესტო აქციები უკრაინის ოპოზიციამ კიევში ხვალისთვის დააანონსა.
