უკრაინის ყოფილმა პრემიერ-მინისტრმა იულია ტიმოშენკომ უკრაინელებს ქუჩებში გამოსვლისკენ მოუწოდა. ხვალისთვის მისი პარტია „ბატკივშინა“ კიევში უვადო აქციების დაწყებას აპირებს. ექსპრემიერის თქმით, პრეზიდენტი პოროშენკო და ეროვნული ბანკი ქვეყანაში კორუფციის მთავარ დასაყრდენად იქცა, რასაც ისიც დაემატა, რომ პრეზიდენტმა მმართველ პოსტებზე საკუთარი ბიზნეს-პარტნიორები დანიშნა. „ისინი ომს ეფარებიან და ქვეყანას მოხერხებულად ძარცვავენ. თუ ხალხი მათ წინააღმდეგ არ გაერთიანდება, ეს ხელისუფლება უკრაინელ ერს გაანადგურებს,“-განაცხადა უმაღლეს რადაში სიტყვით გამოსვლისას ტიმოშენკომ.
