საქართველოს ყოფილი პრეზიდენტი მიხეილ სააკაშვილი მიიჩნევს, რომ უკრაინის პრეზიდენტი საქართველოში მის ექსტრადირებას არ განახორციელებს. მისივე თქმით, საქართველოში 600 ათასი მომხრე ჰყავს და ერთ კვირაში თავისუფალი იქნება.
„მე ძალიან კარგი აზრის ვარ პეტრო პოროშენკოზე. ვფიქრობ, ის მსგავსი რამის გამკეთებელი არ არის. მხოლოდ წარმოიდგინეთ ჰიპოთეტურად, რომ ის საქართველოს გადამცემს. თუნდაც ასე იყოს. საქართველოში 600 ათასი მომხრე მყავს და ზუსტად ერთ კვირაში მე უკვე თავისუფლებაზე ვიქნები“, - ოდესის ექსგუბერნატორმა უკრაინული მე-5 არხის ეთერში განაცხადა. მისი თქმით, ამაში ღრმად არის დარწმუნებული და სამი დღის შემდეგ ის კვლავ კიევში ჩავა.
