ვენეციის მცხოვრებლებმა მასშტაბური საპროტესტო აქცია გამართეს. ისინი ადგილობრივი ადმინისტრაციის შენობასთან ჩემოდნებით შეიკრიბნენ. სიმბოლური ჟესტით მათ ბინისა და კომუნალური გადასახადების გაზრდა გააპროტესტეს, რის გამოც ათასობით ადამიანს ქალაქის დატოვება უწევს. გარდა ამისა, ძლიერი ნესტიანობის გამო სახლების დიდი ნაწილი საცხოვრებლად უვარგისი ხდება. ბოლო სტატისტიკით, 1951 წლიდან დღემდე ვენეციის მცხოვრებთა რაოდენობა 175-დან 55 ათასამდე შემცირდა.
