სილვიო ბერლუსკონი აღიარებს, რომ მისი და დონალდ ტრამპის ბიოგრაფიები ერთმანეთს ჰგავს. ამის შესახებ იტალიის ყოფილმა პრემიერ-მინისტრმა გამოცემა Corriere della Sera-სთვის მიცემულ ინტერვიუში განაცხადა. „დიახ, არის ჩვენს შორის დიდი მსგავსება, თუმცა ჩემი სამეწარმეო ისტორია ტრამპის ისტორიისგან რადიკალურად განსხვავდება. სხვათა შორის, მე მას არასდროს შევხვედრივარ,“-განაცხადა ექსპრემიერმა. ტრამპისა და ბერლუსკონის მსგავსებაზე დღეს დასავლურ პრესაში ბევრს საუბრობენ. მთავარ არგუმენტად კი ის მოჰყავთ, რომ ორივე პოლიტიკურმა ფიგურამ დიდი ბიზნეს-იმპერიები შექმნა, რაც იმაში დაეხმარათ, რომ საკუთარი საარჩევნო კამპანია თავადვე დაეფინანსებინათ. გარდა ამისა, ორივე პოლიტიკოსმა პოპულიზმის მეთოდები ერთნაირად წარმატებულად აითვისა და ქალებთან დაკავშირებულ სკანდალებშიც ორივე იყო გარეული.
