20 იანვარს ბარაქ ობამა მოსტს დატოვებს, თუმცა ტრამპის ინაუგურაციის შემდეგ სამსახურს არამხოლოდ თეთრი სახლის ლიდერი დაკარგავს. 30 წლის ჩინელი მსახიობი სიაო ცზიო ცნობილი სწორედ იმით გახდა, რომ ამერიკის მოქმედ პრეზიდენტს გაჭრილი ვაშლივით ჰგავს. როგორც მსახიობი აცხადებს, ობამას წასვლა თეთრი სახლიდან მისთვის კარგიც არის და ცუდიც. „რა თქმა უნდა, მისი წასვლის შემდეგ ისე აქტუალური და პოპულარული აღარ ვიქნები, თუმცა ეს საშუალებას მომცემს ჩემს ნამდვილ პროფესიას დავუბრუნდე და მსახიობი ვიყო,“-აცხადებს ცზიო.
