,,ქართული ოცნების” ერთ-ერთი ლიდერის გია ვოლსკის შეფასებით, ეროვნული ვალუტის კურსთან დაკავშირებით, პანიკის საფუძველი არ არსებობს.
,,პროცესების ფონზე რაც მიმდინარეობს, საქართველომ შეინარჩუნა სტაბილურობა და ვფიქრობ, ამ საკითხთან დაკავშირებითაც ექნება ძალიან გამართული პოზიცია, რათა ის საფუძველი, რაზედაც საუბრობენ პოლიტიკური ტრიბუნიდან ცალკეული პიროვნებები, არ გამართლდეს და რეალობაში მოხდეს ის, რასაც ყველანი ველოდებით - სტაბილიზაცია», - განაცხადა რუსთავი 2-თან საუბარში გია ვოლსკიმ.
კომერციულ ბანკებში დოლარის ღირებულება მნიშვნელოვნად გაძვირდა. ბანკ "რესპუბლიკაში" ერთი დოლარის ღირებულება 2,54 ლარს აღწევს. "საქართველოს ბანკსა" და "თიბისი ბანკში" კი 1 დოლარის ყიდვა 2,52 თეთრად არის შესაძლებელი. ეროვნული ბანკის მონაცემებით კი, ერთი დოლარი თითქმის 2,48 თეთრია.
