გიორგი კვირიკაშვილი საუკეთესო პრემიერია და მისი შემცვლელის ძებნა დღის წესრიგში არ დგას, - განაცხადა ადამიანის უფლებათა დაცვის კომიტეტის თავმჯდომარე ეკა ბესელია, პარლამენტის თავმჯდომარის პოსტზე გიორგი კვირიკაშვილის დანიშნვასთან დაკავშირებით გავრცელებულ ინფორმაციაზე.
„ის არის პრემიერ-მინისტრი, რომელმაც საუკეთესო სტარტი აიღო და გუნდის გაძღოლა წარმატებით დაიწყო. დღის წესრიგში ახალი პრემიერ-მინისტრის ძებნა არ გვაქვს. ჩვენთვის გიორგი კვირიკაშვილი ის საუკეთესო პრემიერია, რომელსაც შეუძლია გუნდის და მთავრობის ხელმძღვანელობა დღევანდელი გამოწვევების გათვალისწინებით იტვირთოს“, - დასძინა ბესელიამ და დასძინა, რომ პარლამენტის თავმჯდომარის კანდიდატურაზე მსჯელობა მეორე ტურის შემდეგ გაიმართება.
