ირაკლი სესიაშვილი ,,ნაციონალური მოძრაობის“ მაჟორიტარობის კანდიდატ გიორგი ბოტკოველის ბრალდებებს პასუხობს. ბოტკოველმა ჟურნალისტებს კადრები წარუდგინა, სადაც მისი თქმით, ასახულია, თუ როგორ ცდილობს ხელისუფლება ადგილზე არჩევნების გაყალბებას.
სესიაშვილი ამ ბრალდებებს უარყოფს და აცხადებს, რომ ის ოფისში ნებისმიერ მსურველს ხვდება და მათ პრობლემებზე ესაუბრება.
“ამ ოფისში ძალიან ბევრ ადამიანს ვხდები. ადამიანები მოდიან, გამოხატავენ თავიანთ წუხილებს, თავიანთ დამოკიდებულებას. მე არანაირი დეტექტორები არ მაქვს განვსაზღვრო ვინ არის კომისიის წევრი, ვინ არა. ვისაც სურვილი აქვს მოდის, ვსაუბრობთ პრობლემებზე, ვსაუბრობთ მათ შორის დარღვევებზე,“ - განაცხადა სესიაშვილმა.
