შინაგან საქმეთა მინისტრმა გიორგი მღებრიშვილი აცხადებს, რომ ყიზილაჯლოში მომხდარზე დაკავებულები არიან ჩვეულებრივი კრიმინალები, რომელტაც ხელი აღმართეს პოლიციელებზე. მისი თქმით, არასერიოზულია პოლიტიკური ნიშნით დაკავებაზე საუბარი.
,,რას ნიშნავს, პოლიტიკური ნიშნით დაკავება? ისინი არიან ჩვეულებრივი კრიმინალები, რომლებმაც გაბედეს და ხელი აღმართეს პოლიციელზე. დღემდე არავისთვის მიპატიებია პოლიციელზე ხელის აღმართვა და არც ვაპირებ ვინმეს ვაპატიო მსგავსი საქციელი“, - განაცხადა მღებრიშვილმა.
მინისტრი უარყოფს ასევე დაკავებულებზე ფიზიკური ზეწოლის შესახებ ,,ნაციონალური მოძრაობის“ მიერ გავრცელებულ ინფორმაციას.
„არავითარ ზეწოლას, არავითარ ფიზიკურ ზემოქმედებას ადგილი არ ჰქონია. ეს გამოგონილია. ალბათ გაგიათ, რომ თავდასხმა საუკეთესო თავდაცვაა და მსგავი არაფერი ყოფილა“, - აღნიშნა მღებრიშვილმა.