აშშ-ის ელჩი იან კელი იმედოვნებს, რომ "ერთიანი ნაციონალური მოძრაობის" წევრები მოპოვებულ მანდატებს დაიკავებენ. ამის შესახებ ამერიკელმა დიპლომატმა "საზოგადოებრივი მაუწყებლისთვის" მიცემულ კომენტარში განაცხადა. იან კელის თქმით, დემოკრატიული განვითარების ყველაზე მნიშვნელოვანი ნაწილი არის მრავალპარტიული, პლურალისტული დემოკრატია.
"ჩვენ მხარს ვუჭერთ საქარათველოს. დემოკრატიული განვითარების ყველაზე მნიშვნელოვანი ნაწილი არის მრავალპარტიული, პლურალისტული დემოკრატია. ვფიქრობ, რომ "ერთიან ნაციონალურ მოძაობას" აქვს კარგი კამპანია. ისინი ამ კამპანიით ამაყები უნდა იყვნენ და მე მათგან ველოდები, რომ ამ ვითარებას მიუდგებიან მშვიდობიანი კუთხით. როდესაც დრო მოვა, დაიკავებენ მოპოვებულ მადანტებს, მაგრამ, რა თქმა უნდა, ჩვენ ჯერ კიდევ ჩართულები ვართ კამპანიაში და იმედი გვაქვს, რომ ისინი მოიქცევიან ისევე პროფესიონალურად, როგორც პირველ რაუნდში მოიქცნენ", - განაცხადა იან კელი.
მისივე თქმით, აშშ-ის საელჩო ეთანხმება საერთაშორისო დამკვირვებლების, მათ შორის ეუთო-ს და ასევე სხვა საერთაშორისო ორგანიზაციების შეფასებას, რომ არჩევნები ჩატარდა კონკურენტულ გარემოში, იყო კარგად ადმინისტრირებული და პატივს სცემდა ფუნდამენტურ უფლებებს.
"საარჩვენო უბნების დიდ უმრავლესობაზე მოსახლეობას ჰქონდა საშუალება, თავისუფლად გამოეხატა საკუთარ პოზიცია და ნება. სამწუხაროდ, იყო რამდენიმე უბანი, მათ შორის მარნეული, სადაც მოხდა ძალადობა და ამომრჩეველთა დაშინების მცდელობა. ჩვენ ვგმობთ ამ ინციდენტებს და ვიმედოვნებთ, რომ მთავრობა საგულდაგულოდ გამოიძიებს ამ ფაქტებს. მნიშვნელოვანია, გავითვალსიწინოთ, რომ ეს არის კენჭისყრის პირველი ნაბიჯი. მოვუწოდებთ ყველა მხარეს, რომ ამ ინციდენტებზე რეაგირება მოახდინონ მშვიდობიანი გზით, საქართველოს კანონმდბელობის შესაბამისად. ჩვენ გავაგრძელებთ საარჩვენო კამპანიის მონიტორინგს”,- აღნიშნა იან კელიმ.