8 ოქტომბრის საპარლამენტო არჩევნებს მწერალი დათო ტურაშვილი ეხმაურება და დეპუტატებს საკუთარ ფუნქცია-მოვალეობას ახსენებს. ტურაშვილის განცხადებით, დეპუტატობა ვაკეში "წამოპლაკვა" და კაფეში ყავის სმა არ არის. მისი თქმით, ქართველმა ხალხმა მათ ოთხწლიანი, აუცილებლად მოსახდელი სასჯელი დაუწესა, რომელიც კონსტიტუციის თანახმად, ქუთაისში უნდა შესრულდეს.
"მაშინ ვთქვი არჩევნები რომ დამთავრდა და ახლაც გავიმეორებ, ვისაც ჰქონია, რომ დეპუტატობა იმიტომაა კარგი, ვაკეში წამოიპლაკვოს და იქ კაფეში ყავა სვას, უნდა იცოდეს, რომ სინამდვილეში ეს სასჯელია. ქართველმა ხალხმა თქვენ მოგისაჯათ ოთხწლიანი მოსახდელი, აუცილებელი ვადა სამსახური. სადაც მოგისაჯეს, იქ უნდა მოიხადოთ, კონსტიტუციაში ასე გიწერიათ. მოსახდელი ადგილი არის ქუთაისი",-განაცხადა ტურაშვილმა გადაცემა "შუადღეში"