ენმ-ს ერთ-ერთმა ლიდერმა რომან გოცირიძემ ქვეყანაში წინასაარჩევნოდ არსებული ეკონომიკურ ვითარებაზე ისაუბრა და განაცხადა, რომ საქართველო დღეს, არჩევნებს ხვდება გაცილებით ღარიბი, ვიდრე იყო 2012 წელს. გოცირიძე არასწორად აფასებს მთავრობის ეკონომიკურ პოლიტიკას ეროვნულ ვალუტასთან მიმართებაში:
„მიუხედავად მთავრობის არაერთი განცხადებისა, რომ ქვეყანაში ეკონომიკურად ყველაფერი კარგადაა, ჩვენ ვხედავთ, რომ ბოლო ერთი თვის განმავლობაში საკმაოდ მძიმე ვითარება შეიქმნა ფულად საკრედიტო ბაზარზე, ლარი მთავრობას კბილებით უჭირავს და ყველა ღონეს ხმარობს, რომ ხვალამდე არ გაუფასურდეს. ეროვნული ბანკი ახორციელებს დიდძალ ინტერვენციას, ბოლო ერთი თვის განმავლობაში უკვე გაიყიდა 160 მილიონი დოლარი და ბოლო ორ კვირაში განხორციელდა 120 მილიონი დოლარის ფარგლებში ინტერვენცია. არ არის გამორიცხული, დღესაც შეატყობინოს ბიზნესს ეროვნულმა ბანკმა, რომ აპირებს დოლარის გამოტანას ორშაბათისთვის, რომ ლარი დაამშვიდოს და შექმნას ლარის სტაბილურობის ილუზიები“, - აღნიშნა რომან გოცირიძემ.