„სამოქალაქო პლატფორმა-ახალი საქართველოს“ ერთ-ერთი დამფუძნებელი, ისან-ვაზისუბანში მაჟორიტარობის კანდიდატი სერგო ჩიხლაძეს აცხადებს, რომ საარჩევნო უბნების სიებში არის დამატებითი არარსებული კორპუსები. როგორც მან ,,ჯი-ეიჩ-ენს“ განუცხადა, ერთიდაიგივე კორპუსი, ერთდროულად მოხვედრილია ორ აბსოლუტურად განსხვავებულ საარჩევნო უბანზე.
,,საარჩევნო უბნების სიებში არის დამატებითი არარსებული კორპუსები, კორპუსები რომლებიც ბუნებაში არ არსებობს. არის შემთხვევები, როდესაც ერთიდაიგივე კორპუსი ერთდროულად მოხვედრილია ორ აბსოლუტურად განსხვავებულ საარჩევნო უბანზე. ეს რათქმა უნდა ქმნის იმის რეალურ საშიშროებას, რომ ხელისუფლება გამოიყენებს ე.წ. სომხურ კარუსელს, როცა დაინახავენ არჩევნების მათთვის არასასურველ მიმდინარეობას. მსგავს დარღვევებზე ჯერ კიდევ ორი თვის წინ მივმართეთ ცესჯოს, თუმცა დაზუსტების და გასწორების მაგივრად, კიდევ უფრო მეტი უზუსტობა და დარღვევა მივიღეთ საარჩევნო უბნების სიებში. ეს ყველაფერი არის არაჯანსაღი საარჩევნო გარემოს შედეგი'', - აცხადებს სერგო ჩიხლაძე წინასაარჩევნო გარემოს შეფასებისას.