გაეროს უშიშროების საბჭოში რუსეთის მიერ გავრცელებული ინფორმაცია დამასკოში რუსეთის საელჩოს დაბომბვის შესახებ შეერთებულმა შტატებმა დაბლოკა. ამის შესახებ გაეროში რუსეთის წარმომადგენლობა იტყობინება.
„განცხადებაში დიპლომატიურ მისიაზე თავდასხმა მკაცრად იყო დაგმობილი, თუმცა ამერიკის წარმომადგენლობამ დოკუმენტი პრაქტიკულად დაბლოკა. მათ მხარი უკრაინელებმა და ბრიტანელებმაც დაუჭირეს. ამით მათ ვენის კონვენციის მიმართ გამოხატეს უპატივცემულობა. როდესაც თავდასხმა დასავლეთის ქვეყნების საელჩოებზე ხდებოდა, ჩვენ ყოველთვის გამოვხატავდით ჩვენს პოზიციას და მსგავს დოკუმენტებს არ ვბლოკავდით,“-ნათქვამია რუსული მხარის განცხადებაში.
თავდასხმა რუსეთის საელჩოზე დამასკოში გუშინ განხორციელდა. საელჩოს შენობა ნაღმმტყორცნებით დაბომბეს, თუმცა აფეთქებების შედეგად არავინ დაშავებულა.
