"ეროვნული ფორუმის" ერთ-ერთი ლიდერის ირაკლი მელაშვილის განცხადებით, 30 მაისის ადგილობრივი თვითმართველობის არჩევნების შედეგი ლოგიკურია, რადგან ოპოზიცია ხელისუფლების შესაცვლელად არ იბრძოდა.
"ამ ეტაპზე ბრძოლა ხელიუფლების შესაცვლელად არ მიდიოდა", - განაცხადა მელაშვილმა.
"ეროვნული ფორუმი" ოპოზიციას საკუთარ ინიციატივას სთავაზობს და თანამშრომლობისკენ მოუწოდებს.
ირაკლი მელაშვილის თქმით, აუცილებელია ერთობლივად შემუშავდეს სამოქმედო გეგმა, რათა შეიქმნას თანაბარი საარჩევნო გარემო და დაინიშნოს ვადამდელი საპრეზიდენტო და საპარალემნტო არჩევნები.
"ჩვენ ყველას, ოპოზიციას, გვმართებს ერთიანი ტაქტიკის შემუშავება ერთობლივი ძალებით, რათა მივაღწიოთ ამ ხელისუფლების შეცვლას", - განაცხადა მელაშვილმა.
