ბრიტანეთის პრემიერ-მინისტრ ტერეზა მეის განცხადებით, „ბრექსიტის“ შემდეგ გაერთიანებულ სამეფოსთან ორმხრივი სავაჭრო ხელშეკრულებების გაფორმებას მთელი რიგი ქვეყნები მოისურვებენ. განცხადება მეიმ მმართველი კონსერვატიული პარტიის ყოველწლიურ კონფერენციაზე გააკეთა, რომელიც ბირმინჰემში გაიმართა. პრემიერის განცხადებით, ის ყველაფერს გააკეთებს ბრიტანეთსა და შეერთებულ შტატებს შორის ურთიერთობის კიდევ უფრო გასაღრმავებლად. ანალიტიკოსთა შეფასებით, მეი მსგავსი განცხადებებით სავალუტო ბაზრის რეგულირებას ცდილობს, სადაც გირვანქა ფუნტის კურსი რეკორდულად დაეცა.
