მასობრივი არეულობები ეთიოპიაში მსხერპლით დასრულდა. ტრაგედია ქალაქ ბიშოფტუში რელიგიური დღესასწაულის მსვლელობისას დატრიალდა. სადღესასწაულო მსვლელობებს ოპოზიციაც შეუერთდა, რომელმაც საპროტესტო ტრანსფარანტები და ანტისახელისუფლო ლოზუნგები გამოიტანა. პოლიციამ მანიფესტანტები ცრემლსადენი გაზით, რეზინის ტყვიებითა და ხელკეტებით დაარბია. შეტაკებების შედეგად ათობით ადამიანი დაიღუპა. მათი უმრავლესობა ჭყლეტაში მოყვა, რომელიც პანიკის შედეგად წარმოიქმნა.
