პაკისტანის კინოთეატრებში ინდურ ფილმებს აღარ აჩვენებენ. ამის მიზეზი კაშმირში ვითარების გამწვავება გახდა. სადავო ტერიტორიაზე მდებარე ინდურ სოფლებზე 2 დღის წინ თავდასხმა განხორციელდა, რასაც 18 ადამიანი ემსხვერპლა. ინდურმა მხარემ ისლამაბადი ღია სამხედრო აგრესიაში დაადანაშაულა. პაკისტანის შეიარაღებულ ძალებს კარაჩის, ლახორისა და ისლამაბადის კინოთეატრებმა სოლიდარობა გამოუცხადეს და ინდური ფილმების ჩვენებაზე უარი თქვეს, რაც მათ სოლიდურ ზარალს მოუტანს. ბოლივუდის ფილმები პაკისტანში დიდი პოპულარობით სარგებლობს.
