ისრაელში შიმონ პერესს ემშვიდობებიან. იერუსალიმში პარლამენტის შენობასთან ათასობით ადამიანია შეკრებილი. ცერემონიალზე იმყოფებიან მსოფლიო ლიდერებიც. ისრაელის ყოფილ პრეზიდენტს და საზოგადო მოღვაწეს პატივი 80 ქვეყნის ოფიციალურმა დელეგაციამ მიაგო. ბარაკ ობამასთან, მაჰმუდ აბასთან, ფრანსუა ოლანდთსა და ნიკოლა სარკოზისთან ერთად სამგლოვიარო ცერემონიას ესწრება შეერთებული შტატების ყოფილი პრეზიდენტი ბილ კლინტონიც. იერუსალიმში იმყოფება ბრიტანეთის პრინცი ჩარლზიც. შიმონ პერესი 93 წლის ასაკში ინსულტით გარდაიცვალა. მას ჰერცელის მაღლობზე ქვეყნის ლიდერებისთვის განკუთვნილ მემორიალურ სასაფლაოზე დაკრძალავენ.
