გაეროს გადაწყვეტილებით, ჩინური ხვლიკის სახელით ცნობილი, გადაშენების პირას მყოფი პანგოლინებით ვაჭრობა მსოფლიოს მასშტაბით აიკრძალა. ძუძუმწოვართა ჯგუფის ერთადერთი ქერცლოვანი ცხოველი მეკობრეების სამიზნე ხშირად ხდებოდა, რადგანაც მისი ხორცი საკმაოდ ძვირად ფასობს. ქერცლი კი ტრადიციულ ჩინურ მედიცინაში მედიკამენტების დასამზადებლად გამოიყენება. იოჰანესბურგში გამართულ კონფერენციაზე მიღებული გადაწყვეტილებით, ხვლიკისებრთა ოჯახის 8 სახეობით ვაჭრობა აიკრძალა.
