მსოფლიოს მეორე ჩოგანი სერენა უილიამსი აცხადებს, რომ პოლიციელების მიერ აფროამერიკელთა მკვლელობის გახშირებული ფაქტების გამო თავს დაცულად ვეღარ გრძნობს. „მე ჩემს 18 წლის ნათესავს ვთხოვე შეხვედრაზე წავეყვანე. როდესაც მანქანით მივდიოდით, პოლიციელები დავინახე და უცებ შევამოწმე, გადაჭარბებული სიჩქარით ხომ არ გადავადგილდებოდით. მერე ის საშინელი ინციდენტი გამახსენდა, ახალგაზრდა გოგო-ბიჭს სამართალდამცავებმა რომ ესროლეს და საცოდავი ბიჭი მოკლეს. ვინანე კიდეც, რომ საჭესათან ჩემი ნათესავი იჯდა და არა მე,“-წერს უილიამსი სოციალურ ქსელ ტვიტერში.
