შვეიცარიის პარლამენტის ქვედა პალატამ დახურული მუსლიმანური სამოსის აკრძალვის გადაწყვეტილება მიიღო. კანონპროექტს მხარი 88 დეპუტატმა დაუჭირა, წინააღმდეგ კი ხმა 87 დეპუტატმა მისცა. ინიციატივა შვეიცარიის სახალხო პარტიის წევრს, ვალტერ ვობმანს ეკუთვნის. მისი განმარტებით, ჩადრების აკრძალვა ხელს შეუწყობს შვეიცარიული კულტურის შენარჩუნებას და რადიკალური ისლამიზმის საფრთხეებისგან დაცვას.
